7 persona janë arrestuar, mes të cilëve 4 shqiptarë, për trafik të lëndëve narkotike, pas dy operacioneve të ndërmarra nga Departamenti i Krimeve dhe Anti/Narkotikëve në Stamboll.
Gjatë operacionit i cili u zhvillua në dy faza janë sekuestruar një sasi prej 1.2 ton kanabis, e cila dyshohet se vinte nga Shqipëria.
Gjatë operacionit të parë të ndërmarrë në 20 prill u arrestuan 3 persona si dhe u sekuestruan 550 mijë pilula droge ekstazi, të trafikuara nga Holanda.
Ndërkohë, në operacionin e dytë që u zhvillua në Eyüpsultan, ku të arrestuarit ishin 4 shtetasit shqiptar, droga është gjetur në një depo, e fshehur në thasë me ushqim për kafshët.
Ndërkohë, “burime nga policia bëjnë me dije se droga e sekuestruar në të dy operacionet arrin vlerën e 44 milionë paund.”-transmeton CNN turk.
Discussion about this post