Shkarkoni aplikacionin e Fax Web

 


AktualitetFlashKryesoreTe FunditTe Gjitha

Thasë me dokumente të vjedhura në makinën e Arian Ndojës? Pse prokurori u tregua aq amator? Mes tyre dosja e Konomit

Detaje të reja mësohen nga atentati që iu bë prokurorit Arian Ndoja të premten e kaluar në Shkozet të Durrësit, ku ai mbeti i plagosur së bashku me Landi Muharremin dhe shoferin e tij Andi Maloku.

Burime brenda Policisë së Shtetit, bëjnë me dije për Faxweb.al se në mjetin e prokurorit janë gjetur disa thasë me dokumente, mes tyre edhe dosja e vjedhur nga kasaforta e Prokurorisë së Durrësit disa kohë me pare, si edhe dosja e gjykatësit të vrarë disa vite me pare, Skerdilajd Konomi.

Nuk dihet sesi prokurori, edhe pse i vendosur në sulme të vazhdueshme nga ana e qeverisë Rama, të mbante në makinën e tij fakte kaq kompromentuese, apo ndaj tij është organizuar një kurth i mirëmenduar.

Janë shumë rastësi që janë të çuditshme: Rumi në makinën e Ndojës, thasë me dokumente të vjedhura në makinën e tij, pikërisht në të njëjtën ditë me atentatin, dhe ca më tepër i dyshuar kryesor për ngjarjen të jetë i afërmi i deputetit socialist Rrahman Rraja.

Kujtojmë se në maj të vitit 2018 në Prokurorinë e Durrësit ndodhi një grabitje e dokumentave nga persona të paidentifikuar të cilët kishin arritur të dëmtonin edhe serverin. Në atë kohë u dha se asnjë dokument nuk kishte humbur sepse ishte i dubluar.

Dokumentat e tjera që pretendon policia që janë gjetur në makinën e Ndojës lidhen me ish gjyqtarin e Vlorës Skerdilajd Konomi, i cili u ekzekutua me një bombë në vitin 2011. Makina e tij shpërtheu nga një eksploziv i telekomanduar, ndërsa gjyqtari ishte në timon në bulevardin Vlorë-Skelë.

Një nga pistat kryesore të vrasjes së Konomit, mbetet çështja e pronave që paraardhësit e 33-vjeçarit zotëronin në Hamallaj të Durrësit.

(E.K/Faxweb.al)

Fjalët Kyce

Partitë politike firmosën Marrëveshjen për Reformën Zgjedhore. A mendoni se Presidenti Meta duhet të dekretojë një datë zgjedhjesh në tetor të këtij viti?

Për t'ju bashkuar grupit të Faxweb.al në Facebook, klikoni Join Group
loading...

Leave a Reply

Your email address will not be published. Required fields are marked *