Sekretari i Përgjithshëm i Partisë së Lirisë, Tedi Blushi ka publikuar në faqen e tij zyrtare në Facebook një video të kryeministrit Edi Rama, të bërë në qershor të vitit 2009, në të cilën ai deklarohej kundër ndërtimit të Rrugës së Kombit.
Ai thekson se kryeministri vendosi traun dhe i detyroi shqiptarët e Kosovës të paguajnë para për të hyrë në tokën amë.
“Ndiqni shpërthimin publik, me zë dhe figurë, të Edi Ramës në 11 qershor 2009 kundër Rrugës së Kombit dhe Kosovës, kur u deklaronte qytetarëve të Kukësit se paratë duhet të përdoreshin për të tjera vepra dhe investime!Pasi nuk e ndali dot ndërtimin e saj, Edi Rama u vendosi traun dhe po i detyron shqiptarët e Kosovës të paguajnë lekë për të hyrë në tokën amë, ndonëse e kanë paguar me gjak dhe sakrifica këtë bashkim me Shqipërinë.EDI RAMA E URREN KOSOVËN, ndaj e mbështeti idenë e ndarjes së saj, mohoi publikisht gjenocidin, flet për dy kombe (shqiptar dhe kosovar) dhe përkrah sot “Ballkanin e Hapur””, shkruan Blushi.
Ky reagim vjen pasi sot në Tiranë u mbajt seanca plenare e përbashkët Kosovë-Shqipëri në kuadër të 110-vjetorit të shpalljes së pavarësisë.