AktualitetFlashKosovaPolitikëTe FunditTe Gjitha

“Të gjithë kryeministrat kanë vjedhur”/ Isa Mustafa preket nga deklarata e Kurtit, ja përgjigja që i kthen

Romanca mes LDK-së dhe Lëvizjes Vetëvendosje përveç që po ngacmohet nga jashtë, ka tundime edhe nga vetë ata që duan të jenë partnerë në Qeverinë e ardhshme. Albin Kurti nuk e përjashton atë që e pëlqen ta quajë profesor, pra kreun e LDK-së, Isa Mustafën, kur flet për “kryeministrat që kanë vjedhur”. Nga ana tjetër, edhe Mustafa ia tregon vendin Kurtit, që pritet të jetë i nominuari për kryeministër.

Kandidati për kryeministër i Lëvizjes Vetëvendosje, Albin Kurti, doli me një postim në Facebook ku tregoi se kishte arritur marrëveshje me tre deputetë nga komunitetet duke thënë se tani ka shumicën në Kuvend.

“Pavarësisht rinumërimeve dhe paneleve, u sigurua shumica parlamentare për qeverinë e re”, kishte shkruar Kurti.

Këtu Kurti aludoi se marrëveshja për koalicion qeverisës me LDK-në, që doli partia e dytë më e votuar në zgjedhje, është tanimë punë e kryer.

Megjithatë, duket se përkundër përafrimit të madh që kanë pasur këto dy subjekte, komentet e fundit nëpër disa studio televizive të Kurtit kanë pasur efekt në kryetarin e LDK-së, Isa Mustafa.

Kurti kishte thënë nëpër disa intervista se ai do të jetë kryeministri i vetëm që nuk ka vjedhur asnjëhehrë, dhe se kjo e dallon atë prej të tjerëve, transmeton.

Në fillim të kësaj jave, në një emision televiziv në Shqipëri,  kur po fliste se kur do të fillojë reciprocitetin me Serbinë, një nga analistët i tha se “si ai kishin vepruar edhe kryeministrat e mëparshëm”.

Kurti tha se ai nuk mund të krahasohej me paraardhësit e tij,

“Kryeministrat e tjerë kanë vjedhur”, thotë Kurti, duke e përsëritur.

Nga këto komente duket se është prekur Mustafa.

“Janë disa çështje, të cilat duhet të diskutohen dhe të trajtohen me seriozitet të plotë në këtë fazë dhe pasi të krijohet Qeveria. Nuk është në pyetje vetëm tarifa por edhe disa deklarata dhe akuza në studio televizive, të qëllimshme apo jo, të cilat më shumë po i përngjajnë një fushate denigruese e cila  krijon rezerva për bashkëpunim të ndërsjellë ndërmjet palëve”, ka deklaruar Mustafa për Gazetën Express në një intervistë sot.

Mustafa nuk e ka cekur saktësisht se për çfarë e ka pasur fjalën. Ndërkohë, duke marrë parasysh se Mustafa ka qenë kryeministër i vendit nga viti 2014 deri në vitin 2017, dihet se deklarata e Kurtit e ka prekur direkt edhe atë./Gazeta Express

Fjalët Kyce

Artikuj të Ngjashëm

Leave a Reply

Your email address will not be published. Required fields are marked *