Në kohën kur qeveria Rama është përfshirë nga akuzat e forta në drejtim të ministrit të Brendshëm, Fatmir Xhafaj, një tjetër ministri socialist duket se po i shkojnë punët vaj.
Bëhet fjalë për ministrin e Ekonomisë dhe Financave, Arben Ahmetaj, i cili është zgjedhur zv/ President i Bordit të Guvernatorëve të BERZH.
Ahmetaj është votuar nga anëtarët e BERZH-it në një takim vjetor të Forumit të Biznesit të BERZH në Jordani.
Ahmetaj tha se ekonomia shqiptare por rritet me shpejtësi dhe se papunësia tek të rinjtë është më e ulëta në rajon.
“Ekonomia shqiptare, është në vitin e katërt të përshpejtimit të rritjes në 3.8%. Përpjekjet për konsolidim fiskal dhe rritja ekonomike, kanë qenë faktorë përcaktues për krijimin e vendeve të punës dhe uljen e pabarazisë. Ekonomia shqiptare, papunësia tek të rinjtë, me e ulëta në rajon. Në vlerësojmë rolin e BERZH në Shqipëri në një sërë projektesh të rëndësishme në infrastrukturë, energji, klimën e biznesit dhe financimin në bujqësi. By pass-et e Fierit dhe Vlorës dhe hekurudha Tiranë-Durrës me mbështetjen e BERZH, investime tejet të rëndësishme për përmirësimin e infrastrukturës”, u shpreh ai.
(F.G/Faxweb.al)
