Shkarkoni aplikacionin e Fax Web

 


AktualitetFlashKryesoreTe FunditTe Gjitha

”S’të ndahen burrat”, seria e skandaleve të gjyqtarit Hysi. Merrte vendim në 4 minuta

Prokuroria e Krimeve të Rënda ka nisur procedimin penal për gjyqtarin e Fierit Roland Hysi, i cili është përfshirë së fundi në një skandal seksual.

Video e transmetuar dje në media, tregonte sesi Hysi i kërkonte para dhe favore seksuale një nëne, e cila kërkonte kujdestarinë e vajzës së saj, pasi ia kishte marrë i shoqi. Gruaja denoncuese tregoi për emisionin ‘Stop’ gjithë kalvarin që i është dashur të përballojë.

Gjyqtari i Fierit Roland Hysi i kërkoi seks si dhe 500 euro për t’i dhënë kujdestarinë e fëmijës. Në kamerën e fshehtë publikuar nga emisioni investigativ përfshihet edhe psikologia Elona Meçani, që bën edhe rolin e sekseres dhe që gjithashtu merr “pjesën e vet” prej 500 eurosh.

Në fakt gjyqtari Roland Hysi me një kërkim të thjeshtë rezulton të jetë një emër i përmendur dhe më herët në media, ku vetëm në një rast të bërë publik, ai ka marrë një vendim për kujdestarinë vetëm në katër minuta.

Vendimet e tij skandaloze kanë bërë që në datën 8 mars 2018, disa gra të dilnin në protestë kundër Hysit. Gjyqtari Hysi është nga Tirana dhe e bënte çdo ditë rrugën vajtje-ardhje në Fier, bashkë me psikologen Elona Meçani, e përfshirë në video skandal. Roland Hysi njihet për flirtet e tij brenda sallës së gjyqit me gratë viktima.

“Duhet të kesh ndonjë gjë të veçantë ti që s’të ndahen burrat”, i tha Hysi në sallën e gjyqit një prej grave viktimave e cila kërkonte urdhër mbrojtje.

Ndërkohë që vetë gjyqtari ishte i martuar dhe me dy fëmijë. Rasti i mëposhtëm lidhet me kohën prej 4 minutash që Hysit i duheshin për marrjen e një vendimi.

“Një gjykatësi në Fier i mjaftojnë 4 minuta për të marrë një vendim pushimi mbi një urdhër të menjëhershëm mbrojtjeje lëshuar nga policia. Çuditshem pala paditëse (nënë e divorcuar me një fëmijë 6 vjeç) qenka bindur të tërhiqet..e gjitha 4 minuta..kur vetëm në komisariat u mbajtën 6 orë për shpjegime dhe qetësim…Nuk është kjo drejtësia që duam…”, shkruante në Janarin e 2018-tës gazetarja Roshi me nota revolte kundër Hysit.

A mendoni se duhet të hapen shkollat në 14 shtator sipas udhëzimeve të Ministrisë së Shëndetësisë?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *