Siç edhe u bë publike në media, banorët e fshatit Kozare në qytetin e Kuçovës kanë përfunduar në gjyq në Spak. 240 fermerët e këtij fshati janë thirrur si “dëshmitarë” në një proçes gjyqësor që po zhvillohet në Gjykatën e Posaçme Kundër Korrupsionit dhe Krimit te Organizuar, proçes që po kryhet ndaj një banori të fshatit,i cilësuar si subjekt i OFL-së (Operacioni Forca e Ligjit). Mēsohet se SPAK ka kërkuar konfiskimin e pasurisë se Bektash Shtëpënjës, pasi djali i tij rezulton i dënuar në Itali për “shfrytëzim prostitucioni”. Bektash Shtëpënja ka plotësuar formularin e OFL-së, duke deklaruar se të ardhurat i ka nga autokombajna,me të cilën punon prej vitit 1991,si dhe nga më parë ka qenë pjesë e kooperativës.
Banorët e fshatit Kozare janë shprehur se, Bektash Shtëpënja ka siguruar autokombajnën menjëherë pas shkatërrimit të kooperativave bujqësore dhe prej më shumë se 30-vjetësh ai punon arat e fshatit Kozare dhe më gjerë. Banorët e intervistuar, disa prej të cilëve edhe dëshmitarë në gjyqin ndaj Bektashit,shprehen se bashkëfshatari i tyre i ka siguruar të ardhurat me punë dhe jo me aktivitete të pista.Ata shprehen se Bektashi ka vite që punon bashkë me djalin dhe se nuk jeton në shtëpinë që ka ndërtuar me djalin e dënuar,i cili ka shtëpi më vete. Banorët shprehen se, pagesën pë korrjen e të mbjellave Bektashit ja jepnin gjithmonë ne dorë.
“Unë në cilësinë edhe të fermerit por edhe të ish kryetarit të komunës, kam dëshmuar në SPAK për këtë çështje, për të cilën mendoj se akuzat e bëra nuk qëndrojnë. Kjo për arsye se familja e Bektash Shtëpënjës është një prej familjeve më punëtore të zonës tonë. Ka që në vitet 90 që ka filluar aktivitetin me autokëmbajnën. E ka trashëguar nga ISMT-ja. Në fshatin tonë prej 30 vitesh, grurin ata e korrin. Nga një këmbajnë që ishte tashmë janë tre dhe janë punësuar edhe persona të tjerë në fshat. Unë gjykoj se pasurinë e tyre e kanë ngritur vetëm me anë të punës me djersë”– u shpreh njëri prej banorëve të zonës.