Shkarkoni aplikacionin e Fax Web

 


AktualitetBotaFlashTe FunditTe Gjitha

Situata e pandemisë problematike, SHBA rikthen masat bllokuese

Vetëm 2 javë pas hapjes, bareve, restoranteve dhe aktiviteteve të tjera argëtuese do t’u vihet sërish kyçi në disa qytete jugore të Shteteve të Bashkuara. Jugu i vendit ka pësuar shtim të jashtëzakonshëm të rasteve të infektimit me Covid-19 pas lehtësimit të masave parandaluese, duke detyruar autoritetet të vendosin rikthimin e tyre.

Masat bllokuese po rikthehen në disa qytete të shteteve federale të Kalifornisë, Teksasit e Floridës, që janë shndërruar në vatrat më të reja të koronavirusit në Shtetet e Bashkuara. Autoritetet thonë se shtimi i rasteve ka ardhur pasi qytetarët nuk i kanë respektuar masat e distancimit social dhe rregullin për mbajtjen e maskave në ambiente të populluara.

Deri më tani, Covid-19 ka prekur 0.8% të popullsisë amerikane, mbi 2.6 milionë njerëz, prej të cilëve mbi 128 mijë kanë humbur jetën.

Masat bllokuese po i rikthejnë edhe vende të tjera të botës, ku infektimet nga Covid-19 po rriten sërish. Mes tyre janë edhe Kina që ka rivendosur në karantinë gjysmë milioni njerëz, por edhe vende europiane si Gjermania.

Megjithatë, Kombet e Bashkuara thonë se masat bllokuese i kanë shkaktuar turizmit global qindra miliona dollarë dëme. Aktualisht në gjithë globin përllogariten mbi 10.2 milionë të prekur, prej të cilave mbi 504 mijë kanë humbur jetën.

Partitë politike firmosën Marrëveshjen për Reformën Zgjedhore. A mendoni se Presidenti Meta duhet të dekretojë një datë zgjedhjesh në tetor të këtij viti?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *