AktualitetEkonomiFlashKryesoreTe FunditTe Gjitha

Shteti i ka borxh shtetit, vuajnë punonjësit/ 1171 ente shtetërore nuk kanë paguar sigurimet shoqerore

Entet shtetërore duke filluar nga Kuvendi i Shqiperisë dhe deri tek vetë drejtoritë e tatimeve nuk kanë paguar sigurimet shoqërore të punonjësve. Borxhi është mbi 13 mld lekë, ndërsa lista e plotë e borxhlinjve është publikuar nga monitor.

Mbi 1000 ente publike janë debitore sipas të dhënave zyrtare nga Tatimet, ku mijëra persona që punojnë në shtet u rrezikohen pensionet*. Debitorë që nga Kuvendi, ministritë, tatimet, dogana, ujësjellësit, bashki, klube futbolli, qendra shëndetësore, zyra arsimore kanë shkaktuar një borxh total në 13.8 miliardë lekë në fund të 2018 dhe u zgjerua me 19% në një vit, dhe arriti në 16.4 mld leke
Detyrimet e papaguara nga enetet publike kapin shifrën mbi 16 mld lekë. Ndërsa lista e institucioneve të cilat nuk kanë derdhur sigurimet shoqërire dhe shëndetësore është 1171, ku përveç instutcionee të jashtme, edhe vetë drejtoritë e tatimeve nuk kanë paguar.

Entet publike që nuk i kanë paguar rregullisht sigurimet shoqërore dhe ato shëndetësore deri në fund të vitit 2018 kanë akumuluar borxhe në vlerën e 13.8 miliardë lekëve, ose rreth 110 milionë euro. Detyrimet janë krijuar në katër vitet e fundit, pasi në vitin 2015, qeveria “Rama”, e cila sapo erdhi në pushtet i shleu të gjitha detyrimet e gjetura nëpërmjet një pakete të re borxhi mbi 500 milionë euro.
Detyrimet e akumuluara, të cilat duhet të shkonin për llogari të arkës së Sigurimeve Shoqërore kanë krijuar efekte negative të shumëfishta.

Buxheti i shtetit i subvencionon të ardhurat e munguara nga taksa e sigurimeve prej të ardhurave të tjera të përbashkëta nga buxheti. Në këtë mënyrë, shqiptarët i kanë paguar me taksa të tjera abuzimet që administrata e shtetit dhe entet publike kanë bërë me fondet e sigurimeve. Këto fonde janë të planifikuara, por drejtuesit e enteve buxhetore devijojnë përdorimin e tyre në destinacione të tjera. Ndërsa efektet afatgjata lidhen me dëmet që këto borxhe do të krijojnë në pensionet e pleqërisë ndaj personave që po punojnë aktualisht në entet borxhlie.

Gjithsesi, Ministria e Financave dhe Ekonomisë shprehet se ky problem do të zgjidhet duke realizuar një ndryshim në Udhëzimin e Zbatimit të Buxhetit 2019, përmes së cilit specifikohet se pagesat e sigurimeve shoqërore të institucioneve buxhetore do të kryhen njëkohesisht me pagesën e borderosë, dhe jo pas 20 ditëve si në parashikimin e mëparshëm.(Mirilda Tili/ Fax News)

Palët politike u ulën në tavolinë për Reformën Zgjedhore, mendoni se është arritur një marrëveshje mes liderëve kryesorë dhe për çështje të tjera?

Për t'ju bashkuar grupit të Faxweb.al në Facebook, klikoni Join Group

Artikuj të Ngjashëm

Leave a Reply

Your email address will not be published. Required fields are marked *