Një shqiptare ka fituar garën për fustanin më të bukur të nuses krijuar me letër higjenike të zhvilluar në Shtetet e Bashkuara.
Mimoza Haska, e cila banon në Karolinën e Jugut, kishte punuar fustanin me grep, një metodë e trashëguar nga nëna e saj.
E pyetur për këtë ide Mimoza shprehet: “Unë jam gjithmonë për një pamje të veçantë, unike, me shumë klas. Nuk është një ide e veçantë, thjesht diçka që i përshtatet syrit dhe që të bën të dukesh gjithmonë ok”.
Për të krijuar fustanin stil sirenë u deshën 48 rrulonë me letër higjenike dhe 400 orë punë. Ky ishte viti i 15-të për konkursin e veshjeve të dasmave me letër higjienike dhe fituesi u vlerësua me 10 mijë dollarë.
