Në fshatin Kakavec duke punuar tokën me bel janë plagosur në gjymtyrët e poshtme qytetari 45-vjeçar Olsi elezi dhe dy qyetaret me inicialet Y. B. dhe D. B, pasi aksidentalisht ka shpërthyer, dyshohet një granatë e vjetër. Qytetarët janë transportuar menjëherë në spital dhe ndodhen jashtë rrezikut për jetën.
Në momentin e shpërthimit të granatës, kanë qenë duke punuar edhe 2 vëllezërit, bashkëshortët e shtetaseve të mësipërme, të cilët nuk kanë pësuar dëmtime.
45-vjeçari, Olsi Elezi, i cili u plagos në të dyja këmbët nga shpërthimi, ka deklaruar nga dhoma e spitalit ku është shtruar se “nuk e mori vesh” se si plasi granata.
Në një intervistë për Balkanweb, Elezi thotë se po punonte me bel tokën e shtëpisë, në momentin që shpërtheu granata. Ai rrëfen gjithashtu se ishin 4 persona duke punuar tokën kur ndodhi ngjarja, ndërsa nuk e mbante mend nëse e kishte punuar atë pjesë të tokës më parë.
“Duke punuar plasi, nuk e mora vesh si plasi. Ishim 4 veta duke punuar me bel. Ishte toka e shtëpisë. Nuk e mbaj mend nëse kemi punuar më parë aty”, deklaroi ai.
Ndërkohë, mësohet se dy kunatat nga fshati Karkavec që mbetën të plagosura nga shpërthimi janë dërguar nē Spitalin e Traumës për trajtim të specializuar për shkak të plagëve të rënda që kanë marrë.
