Urgjenca e Kukësit gjatë 24 orëve të fundit është ndeshur me një fluks jo normal të pacientëve me virozën e helmimeve kryesisht bark e të vjella.
Mjeku roje i këtij reparti Albert Shehu pohon se vetëm gjatë 6 orëve të fundit janë paraqitur 50 pacient me këtë virozë. Ndërsa sipas informacioneve të mara Instituti i Shëndetit Publik është vënë në lëvizje duke marë mostrat e pacientëve të helmuar pasi dyshohet për shpërthim të një epidemie tek banorët kukësian.
“Ky fenomen mund te lidhet me nje gjendje virale ose intoksikacion, nga uji, frutat, perimet, ka fluks, sot ka patur 50 vizita, 40 jane bark e të vjella, shoqëruar edhe me temperaturë..I kemi përballuar. Të gjitha grupmoshat, edhe te pediatria. Nuk dihet se nga është shkaktuar”– u shpreh ai për Faxnews.
Deri më tani dyshohet se në spitalin e Kukësit kanë marrë ndihmën mjeksore afër 140 pacientë.
