Shkarkoni aplikacionin e Fax Web

 


AktualitetFlashKryesoreTe FunditTe Gjitha

Kush janë 9 anëtarët e rinj të KED-së, kryetar zgjidhet Ervin Pupe

Është hedhur në ambientet e presidencës shorti për anëtarët e rinj të KED, që vijnë nga radhët e Gjykatës Kushtetuese, Gjykatës së Lartë dhe Këshillit të Lartë Gjyqësor, dhe institucioneve të tjera të sistemit të drejtësisë.

Pasi emri i tij u përzgjodh nga shorti, anëtari i Gjykatës së Lartë, Ervin Pupe, është zgjedhur dhe kreu i KED. Sipas nenit 149/d të Kushtetutës, kryetari i KED-së emërohet automatikisht, anëtari i zgjedhur nga Gjykata e Lartë.

Mes emrave që janë përzgjedhur nga Gjykata Kushtetuese janë: Marsida Xhaferllari, Elsa Toska, ndërsa anëtare zëvendësuese Fjona Papajorgji. Jashtë KED mbetet ndërkohë Vitore Tusha e cila nuk u përzgjodh nga shorti i hedhur.

Nga Gjykata e Lartë janë përzgjedhur anëtarë të KED: Ervin Pupe, anëtar zëvendësues Ilir Panda.

Nga Prokuroria e Përgjithshme anëtar i KED nga goglat u përzgjodh Adnan Xholi, ndërkohë që anëtar zëvendësues u zgjodh Kujtim Luli.

Nga Gjykatat e Apelit u zgjodhën dy anëtarë Astrit Kalaja dhe Elona Toro, ndërkohë që anëtar zëvendësues u zgjodh Zegjine Sollaku.

Nga prokuroritë e Apeleve u zgjodhën anëtarë të KED Gjon Fusha dhe Genti Xholi, ndërsa anëtar zëvendësues u zgjodh Kleanth Zeka.

Anëtare e KED nga Gjykatat Administrative u zgjodh Rilinda Selimi, ndërsa anëtar zëvendësues u zgjodh Gentiana Xhelili.

Këshilli i Emërimeve në Drejtësi është një organ kolegjial, i përbërë nga 9 anëtar me një mandat 1 vjeçar, dhe është përgjegjës për vlerësimin e kritereve profesionale e morale të kandidatëve për Inspektor të Lartë të Drejtësisë dhe kandidatëve për anëtarë të Gjykatës Kushtetuese.

(E.K/Faxweb.al)

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *