Humbja e djeshme në ‘’Santiago Bernabeu” e Barcelonës përballë Realit, vulosi faktin që katalanasit nuk janë duke kaluar një moment të mirë.
Mbrojtësi i Barcelonës, Gerard Pique, ka thënë se skuadra e tij nuk është më e mira për momentin, duke shtuar se për herë të parë është ndier inferior përballë Real Madridit.
Mbretërit fituan në Superkupë të Spanjës me rezultat të përgjithshëm 5-1, duke treguar nivel më të lartë se Barcelona.
“Sezoni është i gjatë dhe ka vend për përmirësime”.
“Por në nëntë vite, kjo është hera e parë që jam ndier inferior përballë Madridit”.
“Është e vërtet që e kanë fituar Ligën e Kampionëve sezonin shkuar, por ne ishim këtu para se të fitonin dhe i mposhtëm”.
“Nuk jemi ekipi më i mirë në këtë moment. Duhet sa më shpejtë të fillojmë dhe të shikojmë përpara”, ka thënë Pique.
(E.K/SHUPLAKA)
