Shkarkoni aplikacionin e Fax Web

 


AktualitetFlashTe FunditTe Gjitha

Asnjë masë përveç shiritit/ Shiu dhe bora dëmtojnë Kalanë e Elbasanit, rrezikohet shembja e murit

Reshjet e dendura të shiut, por edhe të dëborës që kanë rënë gjatë ditëve të fundit kanë dëmtuar murin e Kalasë së Elbasanit.

Për shkak të rënies së gurëve institucionet kanë vendosur një shirit për të ndaluar hyrjen e banorëve, pasi mund të rrezikohet që të bien dhe gurë të tjerë. Deri më tani institucionet nuk kanë marrë asnjë masë tjetër përveç shiritit.

Siç shihet dhe nga pamjet e siguruara nga Faxweb, në hyrje të kalasë janë rrëzuar disa gurë nga muri i kalasë duke sjellë dëmtime të kësaj vepre historike. Edhe pse monument kulture i kategorisë së parë kalaja fushore e Elbasanit ndodhet në këtë situatë. Duket se debora dhe acari i ditëve të fundit veçse i kanë dhënë goditjen përfundimtare, pasi ajo prej kohësh e kishte dhënë sinjalin SOS.

Në gjithë këto vite Kalaja nuk ka njohur riparime, duke bërë që sot identiteti i saj të jetë në rrezik. Kanë qënë të shumtë ata qytetarë sot të cilët pasi kanë parë shiritat kufizues janë ndalur të shohin më nga afër pasojat. Të pyetur për këtë fakt ata shprehen të indinjuar me lënien në harrëse të monumenteve kulturore. Sipas tyre institucionet përgjegjëse duhet të marrin masa imediate.

Emergjencat civile kanë konstatuar situatën në terren dhe pas vendosjes së shiritave , ia kanë referuar problematikën Drejtorisë Rajonale të Monumenteve duke pritur ndërhyrje nga kjo e fundit.

Të njëjtin fat ka pësuar edhe pllaka e bustit të patriotit Aqif Pashë Elbasanit që gjendet pranë hyrjes së kalasë. Ndërkohë nga shirat e pak ditëve më parë është dëmtuar edhe pjesa anësore e Tetarit Skampa, edhe këtu prej ditësh janë vendosur shirita, por nuk ka patur asnjë ndërhyrje.

(R.G/Faxweb.al)

Për kë do të votoni në zgjedhjet e 25 prillit?
  • Koalicioni i udhëhequr nga PD 52%, 7123 votes
    7123 votes 52%
    7123 votes - 52% of all votes
  • PS 29%, 3960 votes
    3960 votes 29%
    3960 votes - 29% of all votes
  • Nuk do të votoj 9%, 1277 votes
    1277 votes 9%
    1277 votes - 9% of all votes
  • LSI 5%, 665 votes
    665 votes 5%
    665 votes - 5% of all votes
  • Të tjera 4%, 565 votes
    565 votes 4%
    565 votes - 4% of all votes
Total Votes: 13590
19/03/2021
Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.