AktualitetFlashTe FunditTe Gjitha

Shira të rrëmbyeshëm/ Përmbytet Durrësi, pezullohet mësimi në një shkollë 9-vjeçare (video)

Si pasojë e reshjeve të shirave mbrëmjen e djeshme rrugët e qytetit  bregdetare të Durrësit janë përmbytur duke vështirësuar qarkullimin e qytetarëve dhe të mjeteve.

Këmbësorët dhe nxënësit e shkollave e kanë të vështirë të lëvizin sot në qytet. Rrugë e trotuare janë përmbytur dhe qarkullimi është i vështirë edhe për automjetet.

Mjafton pak shi dhe rrugët e Durrësit janë të papërshkueshme me këmbë dhe makinë duke i ngjarë një Venecie të vogël ku për të shkuar në punë apo në shkollë duhet varkë.

Policia ka devijuar qarkullimin rrugor në akset më problematike të qytetit. Te “Stacioni i trenit” dhe tek “Stadiumi” ku niveli i ujit ka kaluar mbi 40 cm, nuk bëhet më rreth-rrotullimi, por kalohet vetëm në një sens rrugor vajtje-ardhje.

Policia e qarkullimit rrugor, pavarësisht shiut të dendur e rrugëve të përmbytura, ka dalë në rrugë për të disiplinuar trafikun e automjeteve që kanë mbetur të bllokuara

Dhe shkolla “Qemal Mici” nuk po zhvillon mesim sot për shkak të reshjeve të shiut dhe situatës së vështirë

(K.H/Faxweb.al)

Fjalët Kyce

Artikuj të Ngjashëm

Leave a Reply

Your email address will not be published. Required fields are marked *