Viktima e radhës në Itali është një 62 vjeçar, i cili vdiq në spitalin Como ndërsa mësohet se vuante më parë nga probleme shëndetësore dhe kishte nevojë për një seri trajtimesh, përfshirë dializën.
Të Dielën, gjendja e tij u përkeqësua sa detyruoi profesionistët e shëndetit ta transferojnë atë nga departamenti i sëmundjeve infektive në kujdesin intensiv. Vdekja ndodhi të hënën pasdite.
Bilanci i njerëzve që humbën jetën sipas mediave italiane pas kontraktimit të virusit përkeqësohet. Këta të gjithë janë njerëz të moshuar me kushte shëndetësore tashmë të kompromentuara.
Adriano Trevisan, 78 nga Vo ‘Euganeo, është viktima e parë. Ai kishte qenë në spital për rreth dhjetë ditë dhe akoma nuk është e qartë nëse ai vdiq nga virusi. E dyta, Giovanna Carminati, ishte një pensioniste 77-vjeçare nga Casalpusterlengo. Ajo kishte qenë e sëmurë për ca kohë dhe kishte qenë në dhomën e urgjencës së spitalit Codogno ku shkoi edhe ‘pacienti ’38-vjeçar, njeriu nga i cili do të ishte transferuar virusi. Ajo kishte qenë në shtëpi e sëmurë për disa ditë në kushte të rënda ndërsa analizat provuan se ishte pozitive më koronavirus.
Angela Denti Tarzia, 68 vjeç, nga Trescore Cremasco, vdiq në spitalin Crema, ku u shtrua në departamentin e Onkologjisë. “Shëndeti tashmë ishte shumë i kompromentuar,” tha vetë Këshilltari Gallera.
(F.GJ/FAXWEB.AL)
