Shkarkoni aplikacionin e Fax Web

 


AktualitetBotaFlashTe FunditTe Gjitha

Sekuestrohen mbi 2 tonë kokainë në Spanjë, narkotrafikantët kishin krijuar rrjetin e përsosur të sjelljes së ngarkesave, e fshihnin drogën në…

Policia spanjolle ka sekuestruar më shumë se dy tonë kokainë dhe arrestoi 12 persona të dyshuar të përfshirë në një rrjet të trafikimit të drogës në shkallë të gjerë në lidhje me Paraguain dhe Brazilin.

Sipas CNN, autoritetet hetuan rrjetin, anëtarët e të cilit ishin përpjekur të mbulonin gjurmët e tyre duke ngritur biznese të ligjshme për më shumë se një vit, bazuar në deklaratën e policisë kombëtare të Spanjës.

Hetimi arriti kulmin në arrestimet dhe kapjen e 2,065 kilogramëve të fshehura në një ngarkesë prej 40 ton qymyr në portin e Algeciras në Spanjën Jugore.

Në fillim të vitit 2020, policia identifikoi anëtarët e organizatës me seli në provincat e Murcias dhe Seviljes, të cilët po ndërtonin një biznes me sa duket të ligjshëm duke importuar dhjetra kontejnerë me qymyr nga Amerika e Jugut në portin e Barcelonës.

Megjithatë, ndërlikimet për shkak të çështjeve të magazinimit dhe pandemisë së coronavirusit, bënë që grupi të zhvendosë operacionet e tyre në portin e Algeciras në Spanjën jugore në mes të muajit prill.

Policia ‘bashkoi’ strukturën e rrjetit, që përfshinte dy familje me anëtarë kryesorë në Brazil dhe Paraguai, që koordinonin dërgesat e kokainës, ndërsa të tjerët në Sevilje krijuan biznese që duket se ishin të ‘dedikuara’ për importin e qymyrit, orizit ose edhe produkte mjekësore.

Për kë do të votoni në zgjedhjet e 25 Prillit ?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *