Gjuha e urrejtjes mbetet ende një shqetësim në shoqërinë shqiptare. Këtë e konfirmoi edhe Robert Gajda, Komisioneri për Mbrojtjen nga Diskriminimi.
Në një intervistë për gazetaren Xhilda Kondiai tha se gratë, romët, komuniteti LGBTI janë grupet që etiketohen më shumë me gjuhën e urrjetjes.
Problematike sipas tij mbetet kjo gjuhë e përdorur edhe nga deputetët apo njerëz që kanë impakt në shoqëri.
Gajda: Shkaku gjinor i diskriminimit mbetet shumë i rëndësishëm në shoqërinë tonë. Gruaja mbetet e diskrimimnuar në shumë aspekte të saj.
Ne kemi vënë re se ka një shtim të ankesave sa i takon gjuhës së urrejtjes, fenomeni është i përhapur, më fatkeqësi është se është i përhapur nga subjekte që nga profesioni nuk duhet, kemi hasur në parlament, opinionistëve, por edhe në mediat online, rrjete sociale.
Janë njerëz që kanë impakt në shoqëri. Kjo e bën më të rëndë. Numri është në rritje, qytetarët po e denoncojnë, janë disa target grupe që etiketohen me gjuhën e urrejtjes, romët, egjiptianet, komuniteti LGBTI, dhe gruaja.
Gjuha nga parlamentarët, a janë marrë masa?
Ne kemi pasur vendimmarje konkret për deputetët konkret por nuk është gjoba qëllimi në vetvete por të kërkuarit ndjesë dhe mospërsëritje.
Kuvendi do të duhet ti adresojë vetë këto cëështje. Kuvendi në fakt ka marrë disa marrë duke miratuar disa rregulla të brendshme. Por sërish akoma seancat parlamentare shoqërohen me gjuhen e urrejtjes.
