Pas një seance maratonë , është votuar me 76 vota pro projektligji për marrëveshjen e Portit të Durrësit. Pas mesnate, projektligji kaloi për votim, por kundër ishin vetëm votat e opozitës.
Ndërkohë kryeministri Edi Rama nuk mori pjesë në votim.
Në përfundim të votimit, socialistët duartrokitën në atë që e quajnë një “marrëveshje historike për vendin”.
Megjithatë seanca e djeshme është shoqëruar me debate të forta mes opozitës dhe mazhorancës, duke e cilësuar Portin e Durrësit si një megaaferë. Por nuk ka qenë i të njejtit mendim kryeministri Edi Rama, i cili pasi sulmoi opozitën, e konsideroi portin aktual të Durrësit si “skandal mjedisor” dhe “zonë kancerogjene”. Për projektin e ri ai tha se janë dashur takime pa fund dhe negociata të stërgjatura me kompaninë që do të investojë.
