42 vjeçari, Armand Babaj ka denoncuar sulmin me armë ndaj makinës tip “Toyota” që sapo e kishte marrë me qera dhe e kishte lënë të parkuar.
Fatmirësisht nuk raportohen dëme të tjera veçmas atyre materiale. Ndërkohë policia po zhvillon kërkime për identifikimin e autorëve.
Njoftimi i Plotë:
Shkodër/Informacion paraprak
Rreth orës 02:00, shtetasi A. B., 42 vjeç, banues në fshatin Mjedë, ka njoftuar sallën operative se në aksin rrugor “Shkodër-Vau i Dejës”, në rrugën e fshatit Vukatane, Shkodër, është qëlluar me armë zjarri në drejtim të automjetit tip “Toyota”, të cilin e kishte marrë me qira, duke shkaktuar vetëm dëme të vogla materiale.
Është ngritur menjëherë grupi hetimor dhe nën drejtimin e Prokurorisë pranë Gjykatës së Rrethit Gjyqësor Shkodër, vijon puna për zbardhjen e rrethanave të ngjarjes, identifikimin dhe kapjen e autorit/ve.