Shkarkoni aplikacionin e Fax Web

 


AktualitetFlashKryesorePolitikëTe FunditTe Gjitha

Rudina Hajdari del “kundër” vetes: Firmosa marrëveshjen, por nuk do ta votoj në Kuvend! Ja çfarë do të bëj në zgjedhjet e ardhshme

Pak ditë pas nënshkrimit të marrëveshjes për reformën zgjedhore, Kryetarja e Këshillit Kombëtar të Integrimit Rudina Hajdari deklaron votën e saj kundër të njëjtit dokument në parlament. Në një intervistë me gazetarin Lutfi Dervishi, në emisionin Përballë në RTSH, Hajdari sqaron se përse është kundër marrëveshjes për të cilën hodhi firmën e dakordësisë.

“Marrëveshjen do ta firmosja prapë me kënaqësi. Dhe për t’iu përgjigjur pyetjes tuaj në mënyrë të drejtpërdrejtë jo sepse nuk do të votoja një marrëveshje e cila nuk është reformë. Nëse do të vijë një reformë në parlament e cila përfshin po ashtu dhe ndryshimin e sistemit, minimumi listat e hapura atëherë patjetër që do ta votoja pro. Por nëse ne jemi në kushtet që kemi një marrëveshje e cila nuk quhet reformë pra nuk ka se si të jetë e gjithëplotësuar. Ka disa element të cilët unë i kam mbështetur prej fillimit siç është identifikimi biometrik që është i rëndësishëm por nuk është i plotë, pjesa tjetër qoftë dhe administrimi i zgjedhjeve kemi ngelur në vend numëro. Çka do të thotë për mua kjo marrëveshje nuk është që arriti ndonjë gjë massive, përkundrazi tregoi që palët janë të pamundura për të gjetur një gjuhë të përbashkët dhe për ti orientuar këtë reformë, këtë marrëveshje benefitet që mund të kenë njerëzit gjatë zgjedhjeve” ,- theksoi Hajdari.

E pyetur nga gazetari Lutfi Dervishi se çfarë do të thotë për integritetin tuaj si politikane që nënshkruani një marrëveshje dhe thoni unë nuk e votoj këtë që nënshkrova, Rudina Hajdari u përgjigj.

“Unë do ta nënshkruaja atë me shumë kënaqësi edhe sot. Nuk kam asnjë lloj pendimi që e kam nënshkruar sepse nënshkrimi është një hap përpara votimit. Me atë marrëveshje po të shikosh, fjalia e fundit aty thuhet që palët nuk kanë patur konsensus për ndryshimin e sistemit. Kjo më jep të drejtë moralë që unë ta votoj kundër.” – tha Rudina Hajdari.

Ish-deputetja e Partisë Demokratike që nuk pranoi të digjte mandatin, Rudina Hajdari konfirmon se do të kandidojë në zgjedhjet e ardhshme parlamentare.

Ndonëse nuk ka zbuluar nëse do të rikthehet te PD-ja, do të krijojë një forcë të re politike apo do t’i bashkohet “Bindjes”, siç flitet herë pas here, deputetja që insiston për listat e hapura, thotë se e sheh veten në zgjedhje duke kandiduar.

Lutfi Dervishi: Ku e shihni veten në fushatën e ardhshme?

Rudina Hajdari: Në zgjedhje, duke kandiduar, më beso që në momentin që do të bëhet ajo listë, me njerëz të aftë dhe që e duan këtë vend. Çdo njeri që do kem rreth vetes time nuk do të jetë një njeri që do ndihmojë Rudinën në karrierë.

Fjalët Kyce
Për kë do të votoni në zgjedhjet e 25 prillit?
  • Koalicioni i udhëhequr nga PD 53%, 8502 votes
    8502 votes 53%
    8502 votes - 53% of all votes
  • PS 28%, 4539 votes
    4539 votes 28%
    4539 votes - 28% of all votes
  • Nuk do të votoj 9%, 1492 votes
    1492 votes 9%
    1492 votes - 9% of all votes
  • LSI 5%, 785 votes
    785 votes 5%
    785 votes - 5% of all votes
  • Të tjera 4%, 666 votes
    666 votes 4%
    666 votes - 4% of all votes
Total Votes: 15984
19/03/2021 - 25/04/2021
Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.