Kryeministri, Edi Rama ka dhënë një intervistë për televizionin francez “France 24” ku ka folur për samitin e mbajtur një ditë më parë në Bruksel ku sërish nuk u dha një përgjigjie pozitive sa i takon çelsjes së negociatave për Shqipërinë dhe Maqedoninë e Veriut.
Rama e quajti rrugëtimin e gjatë të Shqipërisë që nga marrja e statusit të vendit kandidat për në BE si një “pilulë kundër depresionit”. Mes të tjerash, kryeministri tha se nuk ishte Shqipëria ajo që kishte progres të ngadaltë, por ishte faji i BE-së sepse kishte ngadalësuar progresin drejt së ardhmes.
Ndërsa “France 24” shkruan se Rama me qëndrimet e tij të shprehura ashpër ishte bërë gjithnjë e më i frustruar për mungesën e progresit në rrugën e zgjerimit të BE-së.