Një ekip monitorues i OKB-së për të drejtat e njeriut ka konfirmuar se ka pasur 376 viktima civile në Ukrainë, përfshirë 94 të vdekur, gjatë tre ditëve luftime.
Ai tha se konflikti kishte shkaktuar “pasoja të rënda humanitare” dhe viktimat mund të jenë dukshëm më të larta.
Kjo vjen pasi Këshilli i Kombeve të Bashkuara për të Drejtat e Njeriut ra dakord me kërkesën e Ukrainës për të zhvilluar një debat urgjent mbi pushtimin e Rusisë, disa minuta pasi i dërguari i Kievit tha në forumin e Gjenevës se disa nga veprimet ushtarake të Moskës “mund të përbëjnë krime lufte”.
