AktualitetFlashKryesoreTe FunditTe Gjitha

Rrëzuan projektligjin e Ramës për median online, nënkryetari i AMA-së: Ne nuk marrim asnjë vendim….

Ditën e sotme, Autoriteti i Mediave Audiovizive rrëzoi pr/ligjin e qeverisë Rama “Për shërbimet e medias në Republikën e Shqipërisë”, i cili ka të bëjë mediat online dhe përmes të cilit synohej vendosja e gjobave të majme mbi portalet, duke u fokusuar kryesisht te teza e qeverisë mbi shpifjen.

Tre nga anëtarët e AMA-së, Sami Nezaj, Suela Musta dhe Agron Gjekmarkaj, u shprehën kundër kalimit në Parlament të projekt ligjit, duke u mbështetur dhe te rekomandimet e dhëna nga BE, ku kërkohet të mos cënohet liria e mediave.

Ndërkohë, Sami Nezaj në një intervistë për FaxNews me gazetaren Edona Haklaj, foli për këtë projekt ligj i cili u rrëzua nga AMA.

Nezaj u shpreh se projekt ligji është kundërshtuar pasi cënon lirinë e medias. “Me këtë projekt ligj është shkelur parimi i vetërregullimit të medias së shkruar. Ndërkohë që aktet ndërkombëtare dhe veçmas direktiva e BE për mediat audiovizive inkurajon edhe vetë rregullatorët ti japin përparësi këtij parimi.

Sipas qeverisë Rama thuhet se ka një kakofoni të numrit të mediave online që operojnë në Shqipëri. Dhe është e vërtetë ka kakofoni të madh të numër të mediave online. Disa media online nuk funksiojnë.

Qeveria vendosi “ligjin” për të parandaluar lajmet e rreme ose FakeNews-et. Unë nuk dyshoj nëse një qeveri dëshiron të “luftojë” lajmet e rreme, por duhet që ti verifikojë. Në kërkim të sulmimit të Fake Neës, sulmohen edhe lajmet e vërteta.  

Fatkeqësisht ndryshimet në ligj nuk janë mbështetur mbi këto praktika të vendeve të lira dhe demokratike duke i dhënë AMA, një institucioni të pavarur parlamentar ndër të tjera edhe kompetenca për vlerësimin e përmbajtjes editoriale të mediave.”

I pyetur çfarë mendimi kanë anëtarët e tjerë të AMA-së, Nezaj u përgjigj se ata thjeshtë dhanë mendimin e tyre, por ata nuk marrin dot asnjë vendim, pasi vendimet i miraton Kuvendi.

“Sot në mbledhje u diskutua pr/ligji i propozuar nga qeveria Rama. Ne nuk marrim vendime, pasi vendimet i miraton Kuvendi. Projekt ligji është kundërshtuar gati nga të gjithë dhe jo vetëm nga ne”.

Tre anëtarët e AMA-s, paraqitën argumente që lidheshin me nevojën për forcimin e lirisë së mediave online, lirisë së mendimit dhe të drejtës për informim përmes rritjes së profesionalizmit, mbështetjes së mediave të reja, vetërregullimit të tyre, rritjes së edukimit për median, gjë që ndryshimet e parashikuara në ligj nuk  e realizojnë.

Sipas 3 anëtarëve të AMA-s, propozimet e qeverisë ndrydhin lirinë dhe zhvillimin e medias informative online.

Artikuj të Ngjashëm

Leave a Reply

Your email address will not be published. Required fields are marked *