Në lagjen e famshme me drita të kuqe të Amsterdamit, gjithmonë janë përdorur masa mbrojtëse për punonjëset e s*ksit. Por që prej rihapjes së saj pas izolimit të vendit për shkak të koronavirusit, ky term ka marrë kuptim tjetër.
Sipas udhëzimeve, pròstitutat e kanë të ndaluar të pùthen me klientët e tyre. Vajzat që punojnë aty mbajnë maska të personalizuara dhe deri diku joshëse për klientët, ndërsa ambientet e punës pastrohen me kujdes të madh, për të mos lënë asnjë sipërfaqe pa dezinfektuar. Klientët i nënshtrohen gjithashtu kontrollit për simptoma të Covid-19.
Vetë punonjëset e lagjes me drita të kuqe e mirëpritën vendimin e qeverisë për të rifilluar biznesin, pasi mbyllja i kishte goditur financiarisht. Felicia Anna, drejtues e sindikatës së punonjëseve të s*ksit, tha për “The Guardian”: “Gjatë izolimit shumë prej nesh patën vështirësi financiare, kështu që jemi të lumtur që po rifillojmë”.
Masat e sigurisë, gjithsesi, nuk janë shumë të vështira për t’u respektuar, pasi ato janë mësuar me viruse edhe më të rrezikshëm, si HIV/AIDS.
Janet van der Berg, nga Qendra e Informacionit për Pròstitucionin, tha për Reuters. “Kujdesemi shumë për higjienën. Ka xhel duarsh kudo dhe kemi listuar edhe pozicionet më të preferuara për t’u praktikuar. Gjithsesi nuk ka pròtokoll për këtë, ia kemi lënë në dorë klientit dhe punonjëses. Pasi klienti largohet, i gjithë vendi dezinkfetohet, vetëm kështu mund të vazhdojmë të punojmë të sigurt”.
Në fillim vajzat kishin frikë se ndoshta numri i klientëve do të ulej drastikisht, por në fakt nuk ka qenë kështu. Ato tregojnë se biznesi po ecën shumë mirë.
Holanda legalizoi pròstitucionin në vitin 2000, por ky biznes ishte toleruar për dekada me radhë më parë. Sipas shifrave zyrtare, në Amsterdam ushtrojnë aktivitetin e tyre 7000 punonjëse s*ksi, të cilat janë të regjistruara dhe paguajnë taksat. Deri në 1 korrik 2020, Holanda regjistronte 6000 viktima nga koronavirusi.