Shkarkoni aplikacionin e Fax Web

 


AktualitetFlashKryesorePolitikëTe FunditTe Gjitha

Rikandidimi i Veliajt, Kryemadhi: Sot për Novruz i uroj suksese Erionit, flasim pas…

Kryetarja e partisë Lëvizja socialiste për integrim Monika Kryemadhi i ka uruar të gjithë shqiptarëve festën e Sulltan Novruzit.

“Në këtë ditë të ringjalljes i uroj shqiptarëve gëzuar festën, vecanërisht besimtarëve bektashinj.”, u shpreh Kryemadhi.

Ajo nuk ka dashur të japë komente për situatën politike në Shqipëri por e pyetur nga gazetarët për rikandidimin e Erion Veliaj për Kryetar Bashkie në Tiranë ajo shprehet: “I uroj Erionit suksese sot në këtë ditë Novruzi, flasim pas ditës së nesërme.”

Kryemadhi thotë që për të vendosur dialog mes palëve ishte e domosdoshme djegia e mandateve  dhe se ky akt do të thotë dashuri për kombin.

“Dashuria për kombin është djegia e mandateve. Mundësia për dialog arrithet vec nëpërmjet djegies së tyre. Beteja të tilla kanë kosto por ne duhet të sjellim jetën dhe mirësinë për shqiptarë”, tha me tej kryetarja e LSI.

Ndërkohë që në mungesë të kryeministrit Rama, në selinë e Bektashinjve ka qenë sot kreu i grupit parlamentar në PS, Taulant Balla, i cili ka preferuar që të mos bëjë asnjë koment politik.

Prej ditësh kryeministri Rama nuk është parë në një dalje publike në vendin tonë, ndërsa nga Twitteri thotë se është në Europë për të larë imazhin e dëmtuar të Shqipërisë, nga shpifjet e opozitës.

Fjalët Kyce
Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.