Reshjet e dëndura të dëborës kanë përfshirë gjatë mbrëmjes së djeshme edhe kryeqytetin. Fillimisht reshjet filluan të binin me një intesitet të ulët por më pas filluan dendësisht duke bërë që të krijonin një shtresë vetëm në pak centimetra. Rreshjet e dëborës në Tiranë pushuan brenda dy orëve. Trashësia e dëborë sipas Institutit arriti rreth 5-6 centimetër.
Por e gjithë ultësira e Shqipërisë është përfshirë nga reshje të dendura dëbore mbrëmjen e djeshme. Ky ishte edhe një parashikim i Institutit të Gjeoshkencave. Sipas tyre vranësirat dhe reshjet e dëborës do të ishin present edhe në vendet ulëta.
Megjithëse të gjithë qytetarët e Tiranës mbrëmjen e djeshme u argëtuan me rreshjet e dëborës mëngjesin e sotën pothuajse të gjithë kanë hasur vështirësi në ecje. Rrugët kryesore të qyteti janë plotësisht të hapura. Por temperaturat e ulta gjatë natës kanë bërë që bora të ngrijë në këtë qytet. Kjo nga ndodhur në rrugicat e lagjeve. Të gjithë qytetarët duhet të kenë kujdes nga këto ngrica pasi mund të rëshkasin. Nga kjo borë janë shënuar edhe aksidentet e para mbërëmjen e djeshme si ai linjës së autobusit të Unazës dhe një tjetër në Kodrën e Diellit në Kryeqytet.
Përsa i përket parashikimit të motit për këtë javë temperaturat e ajrit do të jenë të ulëta. Parashikohet që deri të premten të ketë rritje të lehtë të temperaturave. Në fundjavë temeraturat do të sjellin rritje me të ndjeshme të tyre duke bërë që bregdeti dhe zonat e ulëta të kalojnë në vlera pozitive ndërsa deri në 4 apo 5 gradë C do të jenë zonat malore. Sipas “Meteoalb” dita e martë dhe e mërkurë do ketë reshje të pakta në verilindje dhe juglidje ndërsa dita e premte si edhe fundjava do të jenë me shira në ultesirën perëndimore si edhe reshje dëbore në zonat lindore. Temperaturat e ajrit do të rriten ndjeshëm vetëm të premten dhe në fundjavë.
“Territori shqiptar do ta ndjej rritjen e temperaturave mesditën e së mërkurës”, kështu ka deklaruar sinoptikania e meteoalb Tanja Porja e ftuar në panelin e emisionit Opinion. Sipas saj ky i ftohtë me temperatura deri në -60 gradë vjen nga zonat polare drejt Evropës juglindore e me pas deri poshtë në Ballkan. “Ajri i ftohtë polar ka ardhur direkt, drejtpërdrejtë nga zonat polare drejt Ballkanit. Këto masa ajrore kanë ardhur për tre, katër ditë drejtë vendit tonë. Në Shqipëri do të ketë një rritje të lehtë të temperaturave të mërkurën, por rritja që do të ndihet ndjeshëm do të jetë të premte dhe të shtunë. Kryesisht veriu dhe verilindja do të mbeten me 7 gradë”, është shprehur Porja. Vendi ynë është përfshirë prej ditësh nga moti i keq e temperatura tejet të ulëta deri në minus 27 gradë celsius.(J.V/Shuplaka)
Discussion about this post