Qarku i Beratit është kthyer në vatër të nxehtë të përhapjes së Covid-19. Në 24 orët e fundit Fax News mëson se 16 persona kanë rezultuar pozitiv me koronavirus.
Bëhet me dije se në qytetin e Skraparit kanë rezultuar pozitiv ndaj Covid-19, një polic në komisariat, një mësues si dhe një shofer administrate.
Sakaq në Kuçovë kanë rezultuar pozitive me Covid-19, 3 punonjës bashkie, 3 meësuese në gjimnaz.
Ndërkohë që në qytetin e Beratit janë konfirmuar me koronavirus 7 persona, ndër të cilët 2 punonjeës të OSHE-së, 1 Edukatore tek kopshti “Llambrini Kule”, 1 mësuese në fshatin Lumas, 1 punonjës zjarrëfikësje, 1 Avokat dhe 1 Ekonomiste.
Kujtojmë se sot në vendin tonë është shënuar një rekord i ri me numrin e personave të infektuar me Covid-19, ku kanë rezultuar pozitiv 301 qytetarë në të gjithë vendin. Qyteti me numrin më të lartë të personave të infektuar e mban Tirana.
(M.Q/Faxweb.al)
