Ministri i Bujqësisë, Pylltarisë dhe Zhvillimit Rural, Nenad Rikalo është shkarkuar sot nga detyra me vendim të kryeministrit, Ramush Haradinaj.
Këtë zhvillim e ka bërë të ditur Haradinaj përmes një postimi në llogarinë e tij në “Facebook”, ku e falënderon për bashkëpunimin ministrin në fjalë. Rikalo ishte përfaqësues i Listës Serbe në qeveri.
“Sot kam marrë vendim dhe kam liruar nga detyra Ministrin e Bujqësisë, Pylltarisë dhe Zhvillimit Rural, Nenad Rikalo.
Zotit Rikalo i shprehi falënderim për bashkëpunim gjatë kohës sa ishte aktiv si ministër në Qeverinë e Kosovës.
Në proceset politike para vetes, do të respektoj angazhimin e secilit. Ministri Rikalo ishte ministër i respektuar në Qeverinë e Republikës së Kosovës.
Bashkëpunimi me përfaqësuesit e të gjitha komuniteteve dhe përfaqësuesit e komunitetit serb, do të vazhdon palëkundur” thuhet në postimin e Haradinajt.