Kryeministri i vendit Edi Rama e shprehu hapur zhgënjimin e tij ndaj BE-së pas samitit të sotëm në Bruksel.
Rama deklaroi në konferencën e përbashkët me Kovaçevski dhe Vuçiç se nuk do të ndjekë më takimet e liderëve evropianë si më parë dhe se gabimi qëndron tek ata.
-Pyetje: A pati ndonjë vendim historik sot dhe cili është mesazhi sot që i përcollët BE? Thatë që ndiheni keq për BE-në zoti Rama, jeni të zhgënjyer?
Vuçiç: Çdo gjë që thashë sot këtu e thashë hapur dhe publikisht, nëse mund të përkthej atë që ishte e rëndësishme për ne sot, nuk kishte rezultate konkrete por diskutimi ishte i mirë. Nëse më pyesni nëse RMV dhe Shqipëria morën një datë jo, as Kosova liberalizimin e vizave. U kritikuam shumë për çështjen ruso-ukrainase dhe kaq ndodhi.
Politika nuk ka të bëjë gjithmonë me terma konkrete, ka të bëjë me të dëgjuarit e njëri tjetrit dhe besimi, në këtë këndvështrim ishte një samit i mirë kaq mund të them.
Rama: Më duhet të korrigjoj presidentin tuaj, nuk jam i frustruar, thjesht më vjen keq për BE-në.
Nuk është sekret që unë në fakt e kam më përzemër BE-në se Aleksandrin.Në këtë drejtim po, ishte vendim historik në sensin negative, natyrisht kishin fjalët më të mrekullueshme për ne, dhe të gjithë për të qenë të sinqertë e thanë që po ndiheshin shumë keq që nuk po realizohej.
Ndiheshin keq për BE-në jo për ne, ne do të vazhdojmë pa asnjë dyshim. Në Ohër ju thashë, data të lakimeve të KE ishin më të rëndësishme se dita ime e lindjes, fund qershori. Unë e gjeta më në fund pavarësinë time që të mos mendoj më kur takohen këta njerëz, janë shumë të mirë por kanë një problem të madh sepse duhet të kenë përgjegjësi më të mëdha. Do të arrijmë aty, kjo është e sigurt, shekulli n tjetër.