Në territorin e njësisë administrative Zharrëz në Patos ndotja e mjedisit nuk është dicka e re, por kur i shtohet edhe rreziku që përbën për jetën e banorëve, situata bëhet edhe më alarmante.
Janë 7 gropa të tilla, të mbushura me serë e mbetjë hidrokarbure, të ndodhura pranë puseve të fondit të ndalur, nën administrimin e kompanisë Albpetrol, që janë lënë në mëshirë të fatit.
Ata që jetojnë pranë tyre, tregojnë se ndotja mjedisore është në nivele ekstreme, por për më shumë i tremben faktit se fëmijë e të rritur mund të bien në to.
“Vjen shumë erë, ndotje kur kalojmë. Ka shumë ambient të rendë. Janë të rrezikshme. Edhe te pusi tjetër shumë ngarkuar. Ne na mori lumi po për fëmijët tanë.Është aq problematike sa ska ku të vejë më.Qelbemi nga era e serës dhe gazit. Gropat nuk pastrohen. Është shumë e rrezikshme kjo gropë, si vdiq ajo gruaja para 3 muajsh që ra në serë.Në mengjes sa hapim portën vjen era”– shprehen banorët.
Për kreun e shoqatës mjedisore zharrza, Qani Rredhi, kjo është një situatë alarmante përballë së cilës institucionet nuk kanë reaguar.
Në një prej këtyre gropave, jo shumë kohë më parë humbi jetën një e moshuar, e cila fatkeqësisht ngeci në serë.