Qarkullonte me lëndë narkotike dhe armë, arrestohet 27-vjeçari në Korçë

Një 27-vjeçar është arrestuar nga autoritete policore në qytetin e Korçës pasditen e sotme pasi nga kontrollet e bëra iu gjen një sasi lënde narkotike dhe një armë e ftohët. Konkretisht i arrestuari është shtetasi me inicialet R.J 27 vjeç me banim në Tiranë, pas informacioneve të marra forcat blu gjatë kontrollit fizik i gjetën të riut një thikë metalike dhe një sasi me lëndë të dyshuar narkotike kanabis, të cilat u sekuestruan në cilësinë e provës materiale.

Provat e siguruar nga policia i janë dërguar Prokurorisë së Rrethit Gjyqësor Korçë për veprat penale “Prodhim dhe shitja e narkotikëve” dhe “Mbajtje, blerje apo shitje pa leje të armëve të ftohta”.]

Njoftimi i policisë

Korçë/ U kap duke qarkulluar me armë të ftohtë dhe lëndë narkotike, arrestohet në flagrancë një 27-vjeçar.

Sekuestrohet një thikë dhe një sasi e dyshuar kanabis gati për shitje.

Specialistët për Hetimin e Narkotikëve dhe Trafiqeve të Paligjshme në Drejtorinë Vendore të Policisë Korçë kanë goditur një rast të veprimtarisë së paligjshme në fushën e prodhimit dhe shitjes së narkotikëve dhe armëmbajtjes pa leje, si rezultat i të cilit u bë arrestimi në flagrancë i shtetasit R. J., 27 vjeç, banues në Tiranë.

Në bazë të informacioneve të siguruara në rrugë policore, shërbimet e Policisë e kanë ndaluar këtë shtetas, në lagjen nr. 11, Korçë, dhe gjatë kontrollit fizik i kanë gjetur një thikë metalike dhe një sasi me lëndë të dyshuar narkotike kanabis, të cilat u sekuestruan në cilësinë e provës materiale.

Materialet i kaluan Prokurorisë së Rrethit Gjyqësor Korçë, për veprat penale “Prodhimi dhe shitja e narkotikëve” dhe “Prodhimi, mbajtja, blerja apo shitja pa leje e armëve të ftohta”.