Shkarkoni aplikacionin e Fax Web

 


AktualitetFlashTe FunditTe Gjitha

Dhjetra hektarë nën flákë/ Fieri jashtë kontrollit, shpérthen shefi i zjárrfikëses: Ndaleni dorën o bárbarë, jemi vëllezërit tuaj

Zjarri vazhdon me intesitet të lartë edhe këtë të diel në pyllin me pisha të Drenies në Patos. Forcat zjarrfikëse të Patosit e kanë shumë të vështirë ndërhyrjen për shkak edhe të terrenit të thepisur.

Sipas shefit të MZSH Patos, Alket Halimi po punohet në kushte tepër të vështira, madje ai e cilëson situatën si kritike. Tymi rrezikon edhe asfiksimin e zjarrfikësve, të cilët janë të angazhuar të gjithë ne terren prej disa ditësh tashmë.

Gazetarja e Fax News, Fatmira Bajrami raporton se zjarri ka marrë përmasa të jashtëzakonshme dhe është përhapur edhe në zonën e Mallakastrës. Një ditë më parë në ndihmë për fikjen e zjarrit ndërhynë edhe helikopterë të Ministrisë së Mbrojtjes.

Zjarri vijon të përparojë edhe në drejtim të zonës së Lofkendit në Mallakastër dhe në pyllin me pisha të Vloshit. Deri më tani është djegur një sipërfaqe me më shumë se 100 hektarë pishe të butë.

Ndërkohë Halimi ka bërë një thirrje që zjarrvënësit të ndalin dorën pasi po djegin mushkëritë e natyrës “Ndaleni dorën e njerëz çfarë po bëni? Po digjni mushkëritë e natyrës. Ndaleni dorën o barbarë aty vetësakrifikohen zjarrfikësit. Mendoni çfarë po bëni ne jemi vëllezërit tuaj. Zoti martë hak tek ju”, është shprehur Halimi.


(F.GJ/FAXWEB.AL)

Fjalët Kyce
Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *