Bajram Cani këpucar prej 43 vitesh ende vazhdon të punojë në këpucarinë e tij në Elbasan. Ai thotë se është i dashuruar me profesionin e tij, të cilin e mësoi kur ishte vecse një djalë i ri. 60-të vjecari shpreh me shqetësim se këpucar të mirëfilltë si ai në Elbasan nuk janë më shumë se 3, sepse të rinjtë nuk kanë interes për profesionet. Vetë ai thotë se nuk mundi dot t’ia trashëgojë djalit të tij, ndonëse dëshira nuk i mungon.
Shumë profesione si i këpucarit rrezikojnë të zhduken ndaj këpucari nga Elbasani kërkon mënyra mbështetëse nga qeveria. I mëshon faktit se të rinjtë duhen nxitur dhe orjentuar drejt profesioneve që të mos largohen jashtë.
60-të vjecari jo vetëm riparon këpucë, por dhe i prodhon në punishten e tij, teksa shton se interesi i qytetarëve për të porositur këpucë është në rritje. Teksa bën një paralelizëm mes atyre që prodhohen në seri dhe atyre me porosi këpucari Bajram Cani nga Elbasani thotë se do të punojë deri sa të ketë fuqi.
Edhe këtë fillim pranvere Bajramin e e gjejmë në punishten e tij prej gati gjysmë shekulli, e me të njëjtat vegla pune që ka pasur në fillimet e zanatit të vet të pandryshuara ashtu si pasioni i tij kur edhe sot pa përtesë merr porositë dhe plotëson kërkesat e klientëve.