Sapo ka nisur mbledhja e kryesisë së vogël në selinë rozë, ku të pranishëm janë kryeministri Edi Rama dhe anëtarë të kësaj kryesie.
Deri më tani, në selinë rozë kanë shkuar Saimir Tahiri, Lindita Nikola, për të cilën përflitet se do të shkarkohet, Taulant Balla dhe Bledi Çuçi. Ky i fundit ka ndërprerë një tur në Gjirokastër me gazetarët për të shkuar në mbledhjen e sotme. Po kështu sapo kanë mbërritur edhe ministrat si Ilir Beqaj dhe Blendi Klosi.
Duhet të theksojmë që kryeministri Edi Rama gjatë momentit të hyrjes në selinë e Partisë Socialiste është shfaqur i buzëqeshur.
Përveç shkarkimit të Sajmir Tahirit nga posti i Ministrit të Brendshëm, dje u përfol se priten të largohen edhe ministrat si ai i Shëndetësisë, Ilir Beqaj, ministri i Industrisë Damian Gjiknuri, ministrja e Arsimit Lindita Nikolla dhe ministri i Jashtëm, Ditmir Bushati. (J.V/Shuplaka)
