Shkarkoni aplikacionin e Fax Web

 


AktualitetFlashKryesorePolitikëTe FunditTe Gjitha

Prezantimi i projektit të HEC-it të Skavicës/ Rama: Financim i plotë nga shteti, ishte një ëndërr në sirtar

Gjatë prezantimit të projektit të HEC-it të Skavicës, me ministren e infrastrukturës, Belinda Balluku, kryeministri i vendit Edi Rama tha se financimi do të bëhet 100% nga shteti. Rama u shpreh se ky është një projekt madhor i cili që në vitet ’60 ka mbetur një ëndërr në sirtar sepse qeveritë e tjera e kanë përdorur Skavicën si premtim elektoral.

“Në një hark të shkurtër i rikthemi një tjetër projekti madhor. Shija e sotme është e ndryshme një shijë shumë veçantë, pasi bëhet fjalë për një ëndërr në sirtar. Që në vitin 1963 është skicuar plani. Skavica mbeti thjesht një plan i parealizuar. U bë një përpjekje në 2005, por rezultoi një flluskë sapuni. Në 2008 hapi një tender qeveria e mëparshme ku morën pjesë 6 kompani të huaja, në 2009 duhej shpallur fituesi por nuk u bë.

Ne e kthyem Skavicën në tavolinë dhe në vitin 2017 në samitin e Triestes u miratua si një ndër projektet prioritet të procesit të Berlinit. Ne u pozicionuam për të ndjekur me përparësi këtë rrugë duke garantuar jo thjesht financimin por edhe cilësinë e tij. Faktikisht sic e tha dhe ministra projekti u pranua dhe ne kemi nje pamje te detajuar nga një kompani me një biografi të njohur botërisht, kompania Franceze. Më vjen shumë mirë që kjo qeveri do të nisë punën pas 40 vitesh për një hidrocentral të madh. Kemi vendosur këtë vepër të madhe ta financojmë nga burimet e shtetit. Shumë vite më parë një inxhinier i njohur më patë thënë që kaskada e Drinit pa Skavicën është si një tufë delesh pa bariun.” tha Rama.

Ndër të tjera kryeministri u shpreh se ky projekt do të ketë një impakt të jashtëzakonshëm në askpetin ekonomik.

“Nga ana tjetër është e padyshimtë që kjo vepër do të ketë një impakt të jashtëzakonshëm në aspektin ekonomik Natyrisht që të jemi të qartë Skavica nuk do ta bëjë Shqipërinë një superfuqi. Këto janë gjëra që ne nuk i arrimë dot, pasi ne nuk jemi të dytët pas Gjermanisë. Brenda vitit shpresoj të kemi kantierin ne kemi të gjitha arsyet për të qenë shumë optimist për vitin e ardhshëm. ” përfundoi Rama.

Fjalët Kyce

Partitë politike firmosën Marrëveshjen për Reformën Zgjedhore. A mendoni se Presidenti Meta duhet të dekretojë një datë zgjedhjesh në tetor të këtij viti?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *

Mund të Lexoni

Close