Presidenti Bajram Begaj ka shkruar në Facebook për bisedimet Kosovë-Serbi. Begaj uron për angazhimin që të arrihej një dakordësi. Kjo e gjitha në funksion të paqes dhe të ardhmes së rajonit për t’u integruar në BE.
Presidenti i Shqipërisë është i sigurt se dakordësia e lidershipit që mori pjesë në diskutime ka për ta nënshkruar marrëveshjen për ta bërë kështu real gjithë planin e BE-së për të gjetur një gjuhë të përbashkët komunikimi mes Kosovës dhe Serbisë që të reduktohen problematikat të cilat sjellë kjo përçarje.
Në fund Begaj falenderon BE-në dhe SHBA-në për mbështetjen që është duke ofruar.
Begaj: Përshëndes arritjen në Ohër të Maqedonisë së Veriut të dakordësimit publik mes Kosovës dhe Serbisë dhe angazhimit për të zbatuar marrëveshjen bazë dhe të aneksit përkatës.
Ky dakordësim është një garanci më shumë për paqen, stabilitetin dhe të ardhmen e rajonit në Bashkimin Evropian. Besimplotë se garantët e këtij dakordësimi do ta bëjnë atë të detyrueshme e të zbatueshme nga palët.
Falenderoj Bashkimin Evropian për ndërmjetësimin dhe Shtetet e Bashkuara të Amerikës për mbështetjen e fuqishme.
