Prej disa ditësh zjarri i rënë në zonën e fshatit Skuraj në malësinë e Kurbinit, vijon të mbetet aktiv.
Dëmet janë të konsiderueshme. Mjetet zjarrfikëse e kanë të vështirë të ndërhyjnë nga terreni malor ndërsa raportohet se rrezikohen disa banesa. Banoret prej ditësh apelojnë institucioneve vendore të marrin me seriozitet situatën.
E gjithë zona e malësisë është e mbuluar nga tymi, një tjetër vatër zjarri ndodhet edhe në fshatin Mali i Bardhë dhe vijon aktiv. Sipërfaqet e djegura janë të mëdha, kërkohet ndërhyrja nga ajri në shuarjen e zjarreve në zonën e fshatit Turistik Skuraj.