AktualitetFlashTe FunditTe Gjitha

Po transportonte drogë me makinë drejt Durrësit, në pranga 48 vjeçari

Një 48 vjeçar është arrestuar në qytetin e Durrësit. Pas kontrollit në makinën e tij i është gjetur 46 kg lëndë narkotike e dyshuar cannabis sativa.

Në pranga ka rënë shtetasi K. V., 48 vjeç, banues në Fushë – Krujë,  i cili po transportonte drogë drejt Durrësit.

Njoftimi zyrtar: 

Policia e Qarkut Durrës godet një tjetër rast të prodhimit dhe shitjes së lëndëve narkotike.

Finalizohet operacioni i koduar “Rrethi”.

Sekuestrohen rreth 46 kg lëndë narkotike.

Vihet në pranga transportuesi i lëndës narkotike.

Specialistët për Hetimin e Narkotikëve në Drejtorinë Vendore të Policisë Durrës në bazë të informacioneve të siguruara në rrugë operative se një shtetas nga Fushë – Kruja po transportonte një sasi lënde narkotike drejt Durrësit, kanë organizuar dhe finalizuar operacionin e koduar “Rrethi”.

Si rezultat i operacionit, në lagjen nr. 13, në Plazh, Durrës është vënë në pranga shtetasi K. V., 48 vjeç, banues në Fushë – Krujë, për veprën penale “Prodhimi dhe shitja e narkotikëve”.

Gjatë kontrollit të ushtruar në mjetin tip Benz, drejtuar nga shtetasi i mësipërm u gjet dhe sekuestrua në cilësinë e provës materiale rreth 46 kg lëndë narkotike e dyshuar e llojit Canabis Sativa.

Grupi hetimor po punon për identifikimin e personave të tjerë të implikuar në këtë veprimtari kriminale.

Materialet i kaluan Prokurorisë së Rrethit Gjyqësor Durrës për veprime të mëtejshme.

(K.H/Faxweb.al)

Fjalët Kyce

Artikuj të Ngjashëm

Leave a Reply

Your email address will not be published. Required fields are marked *