AktualitetFlashKryesorePolitikëTe FunditTe Gjitha

“Po mbytet zëri i qytetarëve”, Basha kërkon hetime për mbylljen e portaleve: Është një krim i rëndë

Kryetari i Partisë Demokratike, Lulzim Basha reagoi pak minuta më parë për mbylljen e disa portaleve apo faqeve në rrjetet sociale. Përmes dy postimeve të njëpasnjëshme në “Twitter”, Basha e dënon një gjë të tillë dhe e akuzon qeverinë se po shfrytëzon fatkeqësinë e tërmetit për ta arritur këtë gjë.

“Të shfrytëzosh këtë fatkeqësi për të mbyllur portale, faqe fb e rrjete të tjera sociale dhe të kërcënosh gazetarët nga mëngjesi në darkë vetëm pse janë kritikë me qeverinë dhe sjellin zërin e qytetarëve të lënë në harresë dhe pa asnjë ndihmë, është kriminale”, shprehet Basha në postim.

Lideri demokrat i bëri thirrje prokurorisë që të vihet menjëherë në lëvizje dhe të ndëshkohen ata që ndërmarrin përsipër nisma të tilla për të mbyllur mediat.

“Kjo është mënyra për të mbytur zërin e qytetarëve dhe të vërtetës që vjen përmes medias dhe portaleve të ndryshme. Prokuroria duhet të nisë menjëherë hetimet për dhunimin e fjalës së lirë nga qeveria. Me Kushtetutë dhe ligj kjo përbën një krim të rëndë që duhet ndëshkuar”, tha Lulzim Basha.

(M. I./ Faxweb.al)

Fjalët Kyce

A mendoni se jemi në gjendje të mbrohemi apo të menaxhojmë një 'krizë" të shpërthimit të Koronavirusit në vend?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *