Të shtëna me armë zjarri janë dëgjuar mbrëmjen e kësaj të hëne në qytetin e Durrësit. Burimet zyrtare bëjnë me dije se një 25-vjeçar është plagosur me armë zjarri në dorë, ndërsa fatmirësisht ndodhet jashtë rrezikut për jetën.
Ndërkohë autori i ngjarjes i identifikuar me inicialet E.B është ende në kërkim nga policia.
Njoftimi:
Durrës/Informacion paraprak
Më datë 22.03.2021, rreth orës 19:20, në lagjen nr.4, Durrës, dyshohet se pas një konflikti të çastit, është plagosur në dorë me armë zjarri shtetasi A. T., 25 vjeç, i cili ndodhet në spital jashtë rrezikut për jetën
Në vendngjarje ndodhet grupi hetimor dhe po punojnë për zbardhjen e plotë të rrethanave të ngjarjes.
Shërbimet e Policisë kanë ngritur pika kontrolli dhe po krehin zonën për të bërë të mundur kapjen e autorit, shtetasit E.B
Në ambientet e Drejtorisë Vendore të Policisë Durrës janë shoqëruar disa persona.
(R.G/Faxweb/a;)