Shkarkoni aplikacionin e Fax Web

 


AktualitetFlashKryesorePolitikëTe FunditTe Gjitha

“I kam thënë Ramës që në fillim”, deklarata e mjekut: Korònavirusi ti heq brèkët e pròpagandës

Mjeku Petrit Vargu ka folur me skype me gazetarin e Fax News, Enea Meksi në lidhje me situatës me koronavirusin në vend, teksa ka treguar edhe faktorët që kanë ndikuar në përhapjen masive të tij javët e fundit.

Ai është kthyer pas në kohë duke kujtuar se çfarë ka deklaruar që në fillim të situatës me pandeminë, teksa tha ndër të tjera se “koronavirusi ti heq brekët e propagandës”

“Situatën e shikoj mjaft të rënduar, të gjitha mediat e hoqën vëmendjen nga Covid-i, një hapje kjo totalisht e pa studiuar, që ishte vetëm me data. Nuk kishte brenda saj fjalën e domosdoshme se si do të hapeshin dhe cilat do të ishin masat që do të merreshin në të gjitha aktivitetet e jetës në vend. Kjo pjesë shumë e rëndësishme, dhe propaganda se po bëjmë si gjithë bota pa parë kushtet në të cilat ndodhej Shqipëria, arritëm në situatën ku jemi sot. Nëse deri në mars i mbanim pacientët deri sa të bënin testin e dytë, sot i mbajmë deri në ndryshimin e shenjave klinike. Kjo tregon se nëse do të kishim të njëjtën njësi matëse, situata është më e vështirë se në muajin mars.

Përqindjen e pacientëve që rezultojnë pozitiv me numrin e tamponëve tregon se kemi shtim të rasteve por ky numër është ende më i madh në raportin numër pozitiv me numër të tamponuar. Ne që nuk jemi në grupin e gushtë të ekspertëve, statistikat tona bëhen në bazë të të dhënave që na japin. Kam shkruar që pa ardhur Covidi kryeministrit, kujdes nga Covidi se nuk është tërmet, ky ti heq brekët nga propaganda dhe më falni për shprehjen.

Kjo duhej shoqëruar vetëm me tamponeve, do bëhej gjurmimi, pasi është një filozofi në epidemiologji. Me tre vatra në QSUT dhe ti nuk merr masat për të bërë gjurmimin për të gjithë stafin spitalor. Është turp që në QSUT kishte të paktën 3 vatra për të mos thënë edhe personel tjetër si tek Urgjenca e Përgjithshme. Si mund të lësh mjekët të pambrojtur që janë pacientët që infektojnë mjekët dhe anasjelltas. Së paku të lërë vjedhjet dhe të merret me këtë punë se më e rëndësishmja janë jetët e njerëzve”.


(F.GJ/FAXWEB.AL)

Fjalët Kyce

Partitë politike firmosën Marrëveshjen për Reformën Zgjedhore. A mendoni se Presidenti Meta duhet të dekretojë një datë zgjedhjesh në tetor të këtij viti?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *