Mjeku i njohur Petrit Vargu i ftuar në emisionin “Pasdite me Xhaxhiun” në Fax News, foli në lidhje me shpërthimin e e rasteve të reja të personave të prekur nga COVID-19, ku vetëm ditën e sotme u regjistruan 36 raste të reja.
Vargu u shpreh se testet për COVID-19 që po bëhen tani duhet të ishin bërë që në periudhën mars-prill në mënyrë të tillë që mos të përhapej edhe më shumë virusi.
“Me masat që u morën me mënyrën sesi komuniteti shkencor veproi duke i mbajtur ison kryeministrit, vetëm më distancim social dhe fizik, pa masa konkrete, dhe për këtë fakt situata ka dalë jashtë dore. Sot ne po shpenzojmë dhe po bëjmë ato teste që duhet të ishin bërë në mars dhe në prill. Situata mendoj se ka dalë totalisht jashtë dore.
Po drejtohet nga njerëz jo kompetente, pasi COVID-19 e panë si një mjet propagande. Stafi shkencor duhet të ishte në krye dhe komuniteti të ishte profesionist dhe kompetentë. Duhet të bashkoheshim në ato zëra sporadike. Sot ndodhi ajo, që në institucionin që duhet të ishte fortesa siç është spitali, sot kemi dy vatra, që janë të rrezikshme për shpërndarjen e COVID-19. Nuk kemi parë asnjëherë drejtorin e spitalit për të dhënë një deklaratë, në lidhje me masat që ka marrë. Nëse shkojmë në një spital privat shohim që masat janë krejtësisht të ndryshme.”- tha Vargu.
Sa i përket situatës politike në vend, si ish-kandidati për deputet, Vargu foli edhe në lidhje me marrëveshjen për Reformën Zgjedhore, midis palëve politike, ku shtoi se duhej të ndryshonte sistemi.
“Jo e para punës nuk jam dakord me shprehjen të arrish asgjë. Ky është një sistem që është arritur me ndryshimin e kushtetutës në favor të PS-së dhe të Edi Ramës.
Ky është një sistem i bërë në favorin e partive politike. Nuk mund të jemi sot kundër një sistemi që vjedh hapur votën. Ky sistem është bërë që të favorizojë dy partitë e mëdha. PD ka dështuar pasi ka pranuar një sistem që duhet të kishte ndryshuar. Duhet të bësh një sistem të drejtë për popullin. Që të djathtët të flisnin për fitore sot duhet të ishte ndryshuar kushtetuta me ndryshimin e sistemit. Sot këto nuk patën kurajon dyshe as nuk ishin të përgatitur.
Ai mllef që ka populli, Basha është shumë i vogël për ta udhëhequr. PD ka një tjetër staf që është lokomativa. Basha tentoi që të ndryshoi partinë siç bëri Rama në 2013, që zëvendësoi figurat me kalamanjtë e vegjël të Rilindjes. Heroi i PD-së nuk quhet Lulzim Basha, por Sali Berisha. Basha duhet të jetë lider i PD-së së vërtetë.”- tha Vargu.
Discussion about this post