AktualitetFlashTe FunditTe Gjitha

Përplasi për vdekje të moshuarin, 18-vjeçari arrestohet në shtëpi duke mjekuar plagët

Është identifikuar dhe arrestuar personi që shkaktoi aksidentin e të hënës në mbrëmje në lagjen numër 2 në Divjakë, ku gjeti vdekjen 80 vjeçari Ndrek Prendi.

Nga informacionet e marra në rrugë operative dhe duke përdorur dhe kamerat e sigurisë të bizneseve në rrugë, policia e Divjakës identifikoi dhe ndaloi autorin Antonio Xeka 18 vjeç nga Gramshi i Lushnjes.

Xeka u arrestua në banesën e tij. Policia e Divjakës konstatoi në trupin e tij plagë, të cilat i ishin shkaktuar nga aksidenti. 18 vjeçari Xeka së bashku me shokun e tij goditën me motocikletë të moshuarin dhe më pas u larguan nga vendngjarja.

Mbi të rëndon akuza e largimit nga vendi e ngjarjes dhe shkaktimi i aksidentit me pasojë vdekje. Ndërsa për shokun e tij adoleshent rëndon akuza e bashkëpunimit dhe fshehjes së të vërtetës që penguan policinë për zbardhjen e ngjarjes.

Fjalët Kyce

Artikuj të Ngjashëm

Leave a Reply

Your email address will not be published. Required fields are marked *