I ftuar në studion e “Fax News” avokati Altin Goxhaj tha se akti i sotëm i kryeministrit Edi Rama me shembjen e resortit në Golem është një tjetër mesazh se shqiptarët duhet ta kenë frikë.
Goxhaj tha se Rama po zbaton ‘agjendën’ e Soros që synon shpopullimin e vendit, duke theksuar se brenda 15 vite në vend nuk do ketë më shqiptarë por skllevër nga Afrika e Azia.
“Rama po u jep mesazh gjithë pasunarëve të Shqipërisë, oligarkëve, të vendosë cila pronë do ekzistojë ose jo, cilat veprime janë të ligjshme ose jo. Pra ai është mbreti që përcakton gjithçka nga fillimi deri në fund.
Në fund fare do i heqë të gjithë ky kryeministër një nga një, madje dhe ata të fuqishmit fare. Sepse vetë axhenda e shpopullimit të Soros synon që Shqipëria pas 10, 15 vjetësh të jetë një emirat i Soros, ku Rama do e trashëgojë sepse është pjesë e perandorisë së tij. Shqipëria s’do ketë më shqiptarë por skllevër nga Afrika, Azia njësoj si ata në Dubai që punojnë e ngrenë gradaçelat.
Të njëjtët do të vijnë në Durrës, tokat e shqiptarëve do jepen me qera, dhe pasi vendin tonë ta kenë marrë e ta kenë bërë “Një Monako të dytë në Mesdhe”, nuk do ketë më shqiptarë! Gjithë formati përmban mesazhe të fuqishme, Rama bën këtë akt te resorti në ditën e “Primareve” për t’ju thënë të gjithëve se duhet ta kenë frikë”-tha Goxhaj.
Sa i takon procesit të “Primareve”, avokati u shpreh se është normale që në PD mos ketë transparencë, kur zgjidhen njerëz që kanë vjedhur votën, si Albana Vokshi apo Eno Bozdo.
Ai theksoi se pavarësisht veprimeve që bëjnë këta persona, në fund fare e ‘paguan’ kryedemokrati Sali Berisha.
Për më shumë, intervista e plotë:
(E.D/faxweb.al)