Prej më shumë 30 minuta Sali Berisha po mban fjalën e tij në Kuvendin e thirrrur nga rreth 5 mijë delegatë të Partisë Demokratike.
Ndërsa më herët paralajmëroi rrëzimin e Edi Ramës nga detyra e kryeministrit të Shqipërisë dhe rikthimin e vlerave të demokracisë dhe ekonomisë së tregut duke sinjalizuar dhe rikthimin e tij në pushtet, Berisha ceku dhe çështjen e Open Balkan duke lajmëruar Vuçiç të mos rikthehet më në Tiranë në kuadër të këtyre takimeve pasi do të gjejë sheshet e rrugët plot me njerëz kundër:
“Do vazhdoj pa la lëkundur me ju misionin për të rikthyer në pushtet PD, si parti e vlerave të lirisë. si Parti që në epiqendër ka qytetarin dhe interesat e tij. Si parti që do të integroj Shqipërinë në BE. Si parti aleate besnike e NATO, s’do lejoj kurrë që Shqipëria të bjere në zona të tjera influencë përveç aleancës së atlantikut dhe BE. të themeloj PD si parti e interesit kombëtar që do të shndërroj Shqipërinë në vendin e shpesës së shqiptarëve, në vendin e bekuar për ata. në vendin ku ata do të ndërtojnë të ardhmen. T’i japim fund spastrimit etnik të politikave të Edi Ramës. PD ngrihet fuqishëm si parti e interesit kombëtar, e cila do t’i japë fund hegjemonisë. Grupi kriminal që udhëheq sot Beogradin është inspirator kryesor i gjenocidit në Kosovë që mohon gjenocidin ndaj shqiptarëve. Ballkani i Hapur është Ballkani i Hegjemonisë serbe, i zonës së influencës direke ruse. Është Ballkani i interesave antikombëtare, anti-europiane, projekti që kërkon që të zëvendësojë shqiptarëve me kombe të tjera, procesin e Berlinit me procesin e Putinit. Ne zotohemi që t’i japim fund këtij procesi. Paralajmëroj Gëbelsin e Millosheviçit ose Millosheviçin e ri, për Ballkanin e hapur mos mendo që do të vish ndonjëherë në Tiranë, pasi sheshet dhe rrugët do ti kesh plot kundër teje.
Grupi kriminal që udhëheq sot Beogradin, është iniciator i gjenocidit serb në Bosnje në Kosovë. Asnjëherë Tirana, nuk ka qenë si sot epiqendër e luftës së ftohtë kundër Prishtinës”.