Shkarkoni aplikacionin e Fax Web

 


AktualitetFlashKryesorePolitikëTe FunditTe Gjitha

“Pandeli nxirre, mos u kurse”, si i detyroi Rama të gjithë të pranishmit në fund të fjalimit

Në fjalën e tij për gati 1 orë Kryeministri Rama, nuk e kafshoi më gjuhën siç dhe e premtoi që në krye të herës duke sulmuar Presidentin Meta nëpërmjet ironizimit të “Kadrinjve” të medias, opozitës duke e cilësuar Lulzim Bashën si një “burrë pa hallate” dhe Monika Kryemadhin si doktore Shkencash në Horoskopologji (lexo ketu).

Në fund nuk ka kursyer as të vetët kur i ka detyruar të gjithë të mbledhurit për takimin “Bashkia që duam” që të nxjerrin smartfonët të bëjnë foto dhe ti postojnë në profilet personale si një “triumf” i Partisë Socialiste.

“Pandeli nxirre telefonin Pandeli. Mos kurse internet”, thirri Rama ndërsa pak veta po i bindeshin kërkesë-urdhrit të Ramës për të shkrepur foto të tij, ndërsa ishte akoma në podium.

“Nxirre Pandeli”, insistoi Rama për herë të dytë.

Më të bindurit ishin ata të rreshtit të parë, në rrezen e qartë të shikimit të kryeministrit, ndërsa kamera nuk fokusoi në asnjë moment ministrin e Diasporës, Pandeli Majkon. Ndaj ende se dimë nëse Pandi, siç e quan Rama, u bind dhe shkrepi një foto të këtij momenti historik.

Kryeministri Edi Rama ishte i fundit që foli në takimin “Bashkia që duam” ku u bë dhe zyrtarizimi i Erion Veliajt si kandidat i PS për Tiranën për zgjedhjet vendore të qershorit të 2019-s (lexo ketu).

Gjatë orëve të paradites PS mbajti dhe Kongresin e saj zgjedhor ku folën ministra, disa prej kandidatëve të miratuar për bashki të tjera si dhe figura të kësaj partie.

Mesazhi ishte i qartë: Nuk ka zgjedhje të parakohshme, socialistët janë hedhur në ofensivë për të fituar çdo bashki, madje dhe ato që i administron aktualisht PD dhe LSI.

Fjalët Kyce
Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *