Gazetari i ‘Fax News’ Martin Marku ka raportuar nga Miloti mbi aksidentin e ndodhur pasditen e sotme ku u plagosën 5 persona.
Gazetari Marku tha se sipas dëshmitarëve shkak i aksidentit është bërë shpejtësia e njërit prej mjeteve.
Por ndryshe nga njoftimi i policisë në vendngjarje duket se janë vetëm dy mjete të përfshira në aksident, dhe jo tre siç thuhet në njoftimin e policisë.
Në lidhje me gjendjen e 5 të plagosurve, gazetari Marku tha se ata ndodhen në spital jashtë rrezikut për jetën.
Ndërkohë që vihet re edhe mungesa e uniformave blu në vendngjarje.
https://www.youtube.com/watch?v=mrkBzbDBFE8&feature=youtu.be
Njoftimi i policisë:
Kurbin
Informacion paraprak
Më datë 17.06.2018, rreth orës 17:20, në Fushë Milot, ka ndodhur një aksident automobilistik ku janë përfshirë 3 mjete, konkretisht mjeti tip Benz me drejtues shtetasin B.D., mjeti tip Suzuki me drejtues shtetasin M.K. dhe mjeti tip Volksëagen me drejtues shtetasin I.T.
Për pasojë janë lënduar 5 shtetas, pasagjerë në mjetët e përfshira në aksident të cilët janë dërguar në spital ku ndodhen nën kujdesin e mjekëve.
Policia Rrugore në vendngjarje po menaxhon trafikun e krijuar nga bllokimi i rrugës nga aksidenti.
Grupi hetimor në bashkëpunim me Prokurorinë e Rrethit Gjyqësor Kurbin, po kryejnë veprimet për zbardhjen e plotë të shkaqeve të aksidentit.
https://www.youtube.com/watch?v=GgbK-22AAro
(B.H/Faxweb)
