AktualitetFlashTe FunditTe Gjitha

Nxjerrja e 11-vjeçarit nga kampi i ferrit, reagon Rama: Alvin po kthehet në shtëpi (Foto me Lleshajn)

Kryeministri Edi Rama ka publikuar në Facebook, foton e ministrit Lleshaj me Alvin Berisha, i cili mbahej në kampin Al-Howl.

Rama shkruan se pas një jave në kufirin sirian, ministri i Brendshëm po përcjell Alvin në ambasadën italiane në Beirut, ku pritet të pajiset me dokumenta dhe të shkojë drejt babait të tij në Romë.

Kryeministri gjithashtu ka falenderuar kryeministrin italian Giuseppe Conte.

Postimi i plotë:

ALVINI PO KTHEHET NË SHTËPI😍

• Pas një jave në kufirin sirian, së bashku me një skuadër speciale të policisë sonë dhe në bashkëpunim të ngushtë me partnerët italianë, ministri ynë i brendshëm po përcjell në këtë moment Alvinin në ambasadën italiane në Beirut, prej ku vogëlushi shqiptar do të pajiset me dokumentat e nevojshme e do të fluturojë drejt babait në Romë🤗

• Një falenderim i veçantë për kryeministrin Giuseppe Conte, i cili u angazhua personalisht në ndjekjen e operacionit për palën italiane🇦🇱🤝🇮🇹

• Faleminderit edhe dy organizatave humanitare që u bënë pjesë jetike e këtij operacioni tejet kompleks e të rrezikshëm, pa harruar konsullin e nderit të Shqipërisë në Liban, që luajti një rol të pazëvendësueshëm🙏

• Por për ne, përpjekja nuk mbyllet këtu, sepse fëmijë e gra nga Shqipëria vazhdojnë të jenë peng në kampin-burg prej ku arritëm të nxjerrim Alvinin…

(K.H/Faxweb.al)

Fjalët Kyce

Artikuj të Ngjashëm

Leave a Reply

Your email address will not be published. Required fields are marked *